(បន្ទាយមានជ័យ)៖ ឯកឧត្ដម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ ឯកឧត្ដម អ៊ុំ រាត្រី អភិបាល នៃ គណៈអភិបាលខេត្ត ឯកឧត្ដម ស្រី វុឌ្ឍី ប្រធានក្រុមការងារចុះមូលដ្ឋានស្រុកមង្គលបូរី នៅថ្ងៃទី១៦ ខែធ្នូ ឆ្នាំ២០២៥ បានអញ្ជើញប្រទានព្រះអគ្គីបូជាសពលោកព្រិន្ទបាលទោ ទ្រី ដារ៉ា អត្តលេខ ២៦៥៦៨៧ មុខងារ យុទ្ធជនក្រុមទី៣ កងអនុសេនាតូចប្រតិបត្តិការចល័តទី១ កងអនុសេនាធំ នៃកងរាជអាវុធហត្ថខេត្តបន្ទាយមានជ័យ ដែលបានពលីជីវិតក្នុងសមរភូមិ ស្ថិតនៅក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីថ្ងៃព្រហស្បតិ៍ ៦រោច ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១១ ខែធ្នូ ឆ្នាំ២០២៥ វេលាម៉ោង ២០និង៤០នាទីយប់។
ក្នុងពិធីនោះក៏មានការអញ្ជើញចូលរួមលោកឧត្តមសេនីយ៍ ត្រី ស៊ុន សម្បត្តិ មេបញ្ជាការរង កងរាជ អាវុធហត្ថខេត្តបន្ទាយមានជ័យ តំណាងលោកឧត្តមសេនីយ៍ត្រី បោន ប៊ិន មេបញ្ជាការកងរាជ អាវុធហត្ថខេត្ត គណៈអភិបាលស្រុក ក្រុមប្រឹក្សាស្រុក នាយ នាយអាវុធហត្ថ ប្រជាពលរដ្ឋ សិស្សានុសិស្ស ។
ក្នុងនាមបញ្ជាការដ្ឋានកងរាជអាវុហត្ថខេត្តបន្ទាយមានជ័យ និងជំនួសមុខគ្រួសារសព សូមប្រសិទ្ធពរ បវរសួស្តី សិរីមង្គល វិបុលសុខ មហាប្រសើរ និងសូមបួងសួងព្រះរតនៈត្រ័យ ជូនចំពោះ ឯកឧត្តម លោកជំទាវ អ្នកឧកញ៉ា លោក–លោកស្រី ញាតិ មិត្តជិតឆ្ងាយនៃសពសូមមានសុខភាពល្អ ឈ្នះអស់សត្រូវឈ្លានពាន ជួបប្រទះតែនិងពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
