ខេត្តបន្ទាយមានជ័យ៖បងប្អូនភៀសសឹក ស្ថិតនៅក្នុងភូមិសាស្ត្រនៃខេត្តបន្ទាយមានជ័យជាច្រើនគ្រួសារ បានទទួលនូវអំណោយមនុស្សធម៌ ពីក្រុមការងារនាយពាក់ មី តារាកំប្លែងនៅក្នុងប្រទេសកម្ពុជា ដែលមានសមានចិត្តខ្មែរជួយខ្មែរមានក្នុងគ្រាលំបាក។
នាយ ពាក់មី បានបញ្ជាក់ថា រាល់សម្ភារៈអំណោយទាំងអស់ដែលបានយកមក ចែកជូនចំពោះបងប្អូនដែលជាជនភៀសសឹកនៅក្នុងឱកាសនេះគឺបានមកពីសំណាក់បងប្អូនសប្បុរសជនក្នុងនិងក្រៅប្រទេសដែលបានចូលរួមជួយតាមរយៈក្រុមការងាររបស់លោក។ ទាហានសៀមបានធ្វើការវាយប្រហារឈ្លានពានមកលើទឹកដីកម្ពុជាយើងចាប់តាំងពីថ្ងៃទី៧ ខែធ្នូ ឆ្នាំ២០២៥ រហូតមកដល់បច្ចុប្បន្នពួកចោរសៀមនេះនូវតែឈ្លានពាន មានការបាញ់ផ្លោងតាមរយៈយន្តហោះ F 16 ទម្លាក់គ្រាប់បែកបាញ់ផ្សែងពុល លើភូមិឋានរបស់បងប្អូនប្រជាពលរដ្ឋ បានបំផ្លាញនូវហេដ្ឋារចនាសម្ព័ន្ធនិងវត្តអារាមបណ្ដាល ឲ្យមានការបាត់បង់ជីវិតមនុស្សម្នាក់រងរបួសធ្ងន់សាស្ត្រជាច្រើននាក់។ ដែលនេះ ក៏ដោយសារការឈ្លានពានតំបន់សង្គ្រាមព្រៃផ្សៃហើយជាការវាយប្រហារដោយកម្រោលដោយ របស់យោធាថៃអាចជាការរំលោភបំពាន ច្បាប់មនុស្សធម៌អន្តរជាតិ ប៉ុន្តែកងកម្លាំង វីរៈជនដ៏អង់អាចក្លាហានរបស់កម្ពុជាបាននិងកំពុងប្រយុទ្ធតតាំងជាមួយសត្រូវឈ្លានពានយ៉ាងស្វិតស្វាញស្វាហាប់ក្នុងការបំពេញតួនាទីភារកិច្ចរបស់ខ្លួន ដើម្បីការពារបូរណភាពទឹកដី។ គួរបញ្ជាក់ថា បច្ចុប្បន្ននេះប្រជាពលរដ្ឋបានធ្វើការភៀសសឹកជាច្រើនម៉ឺនគ្រួសារចាកចេញពីផ្ទះសំបែងពុំបានរកស៊ីទទួលទាន ឬក៏ប្រមូលដំណាំកសិផលផ្សេងៗ រីឯសិស្សានុសិស្សពុំបានសិក្សារៀនសូត្រ៕
