(ខេត្តបន្ទាយមានជ័យ) ព្រះរាជអំណោយមនុស្សធម៌របស់ព្រះករុណាព្រះបាទ សម្ដេចព្រះបរមនាថ នរោត្តម សី ហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រិយ៍នរោត្តមមុនីនាថសីហនុ ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា តាមរយៈកាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានបាននាំយកនូវអំណោយមនុស្សធម៌ផ្តល់ជូនដល់បងប្អូនប្រជាពលរដ្ឋជាជនភៀសសឹក នៅក្នុងតំបន់នៃស្រុកមង្គលបូរីខេត្តបន្ទាយមានជ័យ។
ឯកឧត្ដម អ៊ុំ រាត្រី ប្រធានគណៈកម្មាធិការសាខាកាកបាទក្រហមខេត្តបានឲ្យដឹងថា បងបងប្អូនជាជនភៀសសឹកដែលបានទទួលអំណោយថ្ងៃនេះសរុបចំនួន ៣២០០គ្រួសារ ហើយមានការចែកជូនជាពីរវគ្គ ប្រព្រឹត្តទៅក្រោមអធិបតីភាព ឯកឧត្ដម យូ ឡាណាអគ្គលេខាធិការរងទី២ តំណាងដ៏ខ្ពង់ខ្ពស់សម្តេចកិត្តិព្រឹទ្ធ ប៊ុនរ៉ានី ហ៊ុនសែន ប្រធានកាកបាទក្រហម ឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ។
ឯកឧត្តម ឌិត ទីណា និង ឯកឧត្តម យូ ឡាណា បានមានចិត្ត ស្រណោះជាពន់ពេក ដល់បងប្អូនជាជនភៀសសឹកក្នុងការឈ្លានពានពីព្រោះពួកចោរសៀមនិងចូលរួមសោកស្តាយចំពោះការបំផ្លិចបំផ្លាញផ្ទះសំបែង មិនបានរកស៊ីទទួលទានសិស្សានុសិស្សមិនបានរៀនសូត្រជាដើម។ នេះក៏ដោយសារការឈ្លានពានរបស់ពពួកចោរសៀម ទាំងកម្រោលក្នុងការវាយប្រហារមកលើអធិបតេយ្យភាពរបស់កម្ពុជា ហើយរួមនឹងការរំលោភបំពានច្បាប់មនុស្សធម៌អន្តរជាតិ ប៉ុន្តែកងកម្លាំងវិរៈជនដ៏អង់អាចក្លាហានរបស់ជើងបាននិងកំពុងប្រយុទ្ធតតាំងយ៉ាងស្វិតស្វាញស្វាហាប់រឹងមាំក្នុងការបំពេញតួនាទីដើម្បីការពារបូរណភាពទឹកដីកម្ពុជា។
គួរបញ្ជាក់ថា អំណោយ មនុស្សធម៍ ដែលបានយកមកផ្តល់ជូន ដល់ជនភាសសឹកទាំង ៣២០០គ្រួសារក្នុង ១គ្រួសារ ទទួលបាន អង្ករ ២៥kg មីជាតិ ២កេស ត្រីខ ២យួរ ទឹកសុិអុីវ ១យួរ ទទឹកសុទ្ធកម្ពុជា ១កេស ឃីត១ថង់រួមមាន មុង ភួយ សារុងនិង ក្រម៉ា៕
