(បន្ទាយមានជ័យ)៖ដោយពិនិត្យមើលឃើញ ពីភាពលំបាករបស់ព្រះសង្ឃ ដែលបាននិមន្តភាសឹក មករកទីសុវត្ថិភាពនៅក្នុងក្រុងសិរីសោភ័ណ ខេត្តបន្ទាយមានជ័យ ឯកឧត្តមបណ្ឌិត ចាយ បូរិន្ទ រដ្ឋមន្ត្រីក្រសួងធម្មការនិងសាសនា រួមនិងលោកជំទាវ ព្រមទាំងសម្ដេចមហាសុមេធាធិបតីកិត្តិឧទ្ទេសបណ្ឌិត អំ លឹមហេង ព្រះសង្ឃនាយក នៃព្រះរាជាណាចក្រកម្ពុជា បានធ្វើការប្រគល់នូវគ្រឿងឧបភោគបរិភោគរួមនឹងបច្ច័យតាមរយៈមន្ទីរធម្មការនិងសាសនាខេត្តនៅព្រឹកថ្ងៃទី១២ ខែធ្នូ ឆ្នាំ២០២៥ នៅបរិវេណ វត្តគិរីជុំចំការខ្នុរ ក្នុងក្រុងសិរីសោភ័ណ ទៅព្រះសង្ឃទាំងអស់បានធ្វើការភៀសសឹកចេញពីវត្ត ជាប់ព្រំដែនខ្មែរ-ថៃ ដែលបច្ចុប្បន្នពួកចោរសៀមឈ្លានពានកំពុងធ្វើការ រំលោភមកលើដែនអធិបតេយ្យភាពរបស់កម្ពុជា ដោយកម្រោលនិងព្រៃផ្សៃបំផុត។
ព្រះសមណញាណ ណាប់ មុឺន ព្រះបាឡាត់ គណខេត្ត្តបានមានសង្ឃដេការអំណរព្រះគុណចំពោះទឹកប្រទ័យ និងទឹកចិត្តដ៏ល្អប្រពៃរបស់សម្ដេចសង្ឃ និងឯកឧត្តមបណ្ឌិត ចាយ បូរិន និងលោកជំទាវ តែងគិតគូរខ្ពស់ ដល់ព្រះសង្ឃភាសសឹក ដោយសារការឈ្លានពានរបស់សៀម។
លោក បៀវ ថាន បានមានប្រសាសន៍ថា ក្នុងស្ថានភាពកំពុងតែមានភាពតានតឹងបងប្អូនប្រជាពលរដ្ឋរួមជាមួយនឹងព្រះសង្ឃបានបង្ខំជម្លៀសចេញពីភូមិឋានក៏ដូចជាវត្តអារាមមកស្នាក់នៅកន្លែងសុវត្ថិភាពកាន់តែមានការកើនឡើងរាប់សិបពាន់គ្រួសារ ខ្លះរស់នៅក្រោមតង់កៅស៊ូ មានភាពលំបាក ខ្លះទៀតមិនបានរកស៊ីទទួលទានប្រកបរបរពុំបានប្រមូលផលដំណាំផ្សេងៗសិស្សានុសិស្សពុំបានសិក្សារៀនសូត្រ ហើយការវាយប្រហារដ៏កម្រោលដែលមិនរើសគោលដៅរបស់ជនជាតិថៃ គឺជាការរំលោភបំពានច្បាប់មនុស្សធម៌អន្តរជាតិ ក៏ប៉ុន្តែកងកម្លាំងយុទ្ធជនដ៏អង់អាចក្លាហានរបស់កម្ពុជាបាននិងកំពុងប្រយុទ្ធតតាំង យ៉ាងស្វិតស្វាញអស់ពីកម្លាំងកាយចិត្តក្នុងការបំពេញតួនាទីរបស់ខ្លួនដើម្បីការពារបូរណភាពទឹកដី៕
