ខេត្តបន្ទាយមានជ័យ៖ដោយអនុវត្តតាមបទបញ្ជាយ៉ាងម៉ឺងម៉ាត់ពីឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ និងអនុវត្តតាមការចង្អុលបង្ហាញរបស់លោកឧត្តមសេនីយ៍ត្រី សឿម សារិទ្ធ ស្នងការ នៃស្នងការដ្ឋាននគរបាលខេត្តបន្ទាយមានជ័យនៅថ្ងៃទី១៣ ខែឧសភា ឆ្នាំ២០២៦ កម្លាំងសមត្ថកិច្ចការិយាល័យប្រឆាំងគ្រឿងញៀន ដឹកនាំដោយលោកឧត្តមសេនីយ៍ត្រី ធិន ស៊ិនដេត ស្នងការរង ផែនការងារនគរបាលប្រឆាំងគ្រឿងញៀន នៃស្នការដ្ឋាននគរបាលខេត្តបន្ទាយមានជ័យ រួមជាមួយកម្លាំងអធិការដ្ឋាននគរបាលក្រុងប៉ោយប៉ែត បានចុះប្រតិបត្តិការណ៍បង្ក្រាបករណីជួញដូរ រក្សារទុក និងប្រើប្រាស់នូវសារធាតុញៀនដោយខុសច្បាប់ នៅបន្ទប់ជួលមួយកន្លែងស្ថិតនៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដោយឃាត់ខ្លួនជនសង្ស័យបានជាបន្តបន្ទាប់សរុប ៨នាក់ រួមនឹងវត្ថតាងមួយចំនួន។
សមត្ថកិច្ចបានឲ្យដឹងថា ការចុះប្រតិបត្តិការណ៍បង្ក្រាបនេះបានធ្វើឡើកក្រោយពីមានប្រជាពលរដ្ឋល្អបានរាយការណ៍មកថា មានក្មេងៗចេញចូលញឹកញាប់ សង្ស័យមានការចែកចាយ និងប្រើប្រាស់គ្រឿងញៀន នៅបន្ទប់ជួលទីតាំងខាងលើ ភ្លាមនោះកម្លាំងសមត្ថកិច្ចយើងបានចុះទៅដល់គោលដៅ ឃើញថាមានជនសង្ស័យ ចំនួន៣នាក់/ស្រី០១នាក់កំពុងធ្វើសកម្មភាពដោះដូរគ្រឿងញៀន ក៏បានចាប់ខ្លួនភ្លាមៗ នឹងបានត្រួតពិនិត្យរកឃើញវត្ថុតាង៖ម្សៅក្រាមសថ្លា ១៧ថង់, បន្ទាប់មកសមត្ថកិច្ចបានបន្តត្រួតពិនិត្យក្នុងបន្ទប់ដេកឃើញជនសង្ស័យចំនួន០១នាក់ទៀត និងវត្ថុតាង ថ្នាំគ្រាប់ពណ៌ក្រហមចំនួន៥គ្រាប់ ជញ្ជីង ១គ្រឿង និងសម្ភារះសម្រាប់ច្រក នឹងប្រើប្រាស់ថ្នាំញៀនមួនចំនួន។ បន្ទាប់មកកម្លាំងយើងបានបន្តចាប់ខ្លួន ជនសង្ស័យប្រើប្រាស់គ្រឿងញៀនដែលខលទូរស័ព្ទមកកុម្មង់ទិញគ្រឿងញៀន ចំនួន៤នាក់បន្ថែមទៀត រួចក៏បាននាំខ្លួនជនសង្ស័យ នឹងវត្ថុតាងខាងលើ បញ្ជូនទៅស្នងការដ្ឋាននគរបាលខេត្ត ដើម្បីសាកសួ រកអ្នកពាក់ព័ន្ធ នឹងធ្វើតេស្តទឹកនោម ផងដែរ៕
