បន្ទាយមានជ័យ៖ឆ្លងវគ្គបណ្ដុះបណ្ដាលស្ដីពីសង្គ្រោះបឋមផ្លូវចិត្តប្រគេនដល់ព្រះសង្ឃរយៈពេលបីថ្ងៃរួចមកនាល្ងាចថ្ងៃទី១២ ខែសីហា ឆ្នាំ២០២៦ ត្រូវបានរៀបចំពិធីបិទវគ្គបណ្ដុះបណ្ដាលនេះក្រោមអធិបតីភាពឯកឧត្តមបណ្ឌិត សេង សុមុនី រដ្ឋលេខាធិការប្រចាំការនៃក្រសួងធម្មការនិងសាសនានិងព្រះមេគណខេត្តបន្ទាយមានជ័យទាំងពីរគណៈ ។វគ្គបណ្ដុះបណ្ដាលនេះគឺមានការឧបត្ថម្ភដោយអង្គការយូនិសេសនិងអង្គការ tpo។
ព្រះឧត្តម សីល ញាណធុលសុធា ព្រះមេគណខេត្តគណៈមហានិកាយនិងព្រះ ព្រហ្ម សីមាមុនីវ៉ាចិន្តា ព្រះមានគុណខេត្តគណៈធម្មយុត្តិកនិកាយ ព្រះអង្គបានមានថេរដីកាសម្ដែងនៅសោមនស្សរីករាយយ៉ាងក្រៃលែងនិងសូមថ្លែងនាំអំណរគុណចំពោះអង្គការយូនិសេសនិងអង្គការ tpo ដែលបានសហការគ្នារៀបចំវគ្គបណ្ដុះបណ្ដាលដល់ព្រះសង្ឃស្ដីពីការសង្គ្រោះបឋមផ្លូវចិត្តសម្រាប់ព្រះសង្ឃនៅជាប់ព្រំដែនខ្មែរ សៀម ដោយក្នុងអំឡុងពេលគ្រាអាសន្នទាក់ទងទៅនឹងជម្លោះព្រំដែនកន្លងមកនេះ បានបង្កហានិភ័យប៉ះពាល់ដល់អារម្មណ៍ផ្លូវចិត្តដល់ព្រះសង្ឃនិងប្រជាពលរដ្ឋនេះក៏ដោយសារទង្វើឈ្លានពានរបស់យោធាសៀម ធ្វើការរំលោភបំពានដែលអធិបតេយ្យភាពកម្ពុជាប៉ះពាល់យ៉ាងធ្ងន់ធ្ងរដល់ប្រជាពលរដ្ឋបាត់បង់ផ្ទះសំបែង ព្រះសង្ឃចាកចេញពីវត្តហើយវាមានផលប៉ះពាល់បន្ថែមទៀត ទៅលើសុខមាលភាពផ្លូវកាយផ្លូវ ចិត្តធនធានទ្រព្យសម្បត្តិប្រាសាទបុរាណប្រជាពលរដ្ឋចាកចេញពីផ្ទះការខកខានរបស់កុមារទទួលបានសេវាអប់រំនិងការរំខានដល់សេដ្ឋកិច្ចជីវភាពរស់នៅរួមនិងហេដ្ឋារចនាសម្ព័ន្ធផងដែរ។
ឯកឧត្តម សេង សុមុនី បានមានប្រសាសន៍បន្តថា៖វគ្គបណ្ដុះបណ្ដាលសង្គមបឋមផ្លូវចិត្តប្រគេនដល់ព្រះមន្ត្រីសង្ឃរយៈពេល៣ ថ្ងៃកន្លងមកនេះ គឺជាការស្ដែងចេញនូវកិច្ចខិតខំប្រឹងប្រែងរួមគ្នារវាងវិស័យពុទ្ធចក្រអាណាចក្រនិងសុខាភិបាលក្នុងការលើកកម្ពស់សុខមាលភាពផ្លូវចិត្តនិងការជួយជ្រោមជ្រែងដល់សហគមន៍ឲ្យកាន់តែមានប្រសិទ្ធភាព។ជាចុងក្រោយឯកឧត្តមក៏បានធ្វើការពិតប្រគេនដល់ព្រះមន្ត្រីសង្ឃដែលបានបញ្ចប់វគ្គបណ្ដុះបណ្ដាលនិងទទួលបានប្រកាសនីបត្រនិងយកចំណេះដឹងជំនាញទាំងអស់ទៅអនុវត្តដោយផ្ទាល់នៅតាមវត្តអារាមនិងសហគមន៍ដោយប្រែក្លាយទៅជាមជ្ឈមណ្ឌលគាំទ្រផ្លូវចិត្តសុខុមាលភាពប្រកបដោយភាពកក់ក្តៅនិងសុវត្ថិភាព៕
