ខេត្តបន្ទាយមានជ័យ៖ដើម្បីអោយវិស័យអប់រំ កាន់តែមានការរីកចម្រើន សាកលវិទ្យាល័យ ស ចង់ប្រទេសកូរ៉េ បានធ្វើការចុះអនុស្សរណៈយោគយល់ជាមួយសាកលវិទ្យាល័យ ព្រះគម្ពីរ ស្ទាន ក្រុងសិរីសោភ័ណ របស់អង្កការ ហាឆាន់ខាំ កាលពីចុងសប្ដាហ៍កន្លងទៅ។
លោកស្រី សុ ជាតា នាយិកា សាលាចំណេះដឹងទូទៅ ហាឆាន់ខាំ និង លោក គឹម ជុង អ៊ុក ប្រធាន អង្គការ ហាឆាន់ខាំ បានមានប្រសាសន៍ថា ការចុះអនុស្សរណៈយោគយល់គ្នារវាងសាកលវិទ្យាល័យ ស ចង់កូរ៉េ និងមហាវិទ្យាល័យចំណេះដឹងទូទៅ ហាឆាន់ខាំ ថ្ងៃនេះគឺក្នុងគោលបំណង ជួយទំនុកបម្រុងដល់ការសិក្សារបស់សិស្សបានយល់ដឹងបន្ថែមរវាងកូរ៉េនិងកម្ពុជា។ ស្វែងយល់ ពីបទពិសោធ ប្រពៃណីវប្បធម៌ ភាសា និងចំណេះដឹងបន្ថែម នឹងបានជួយទំនុកបម្រុងដល់សិស្សានុសិស្ស បានបន្តសិក្សានៅប្រទេសកូរ៉េជាដើម។
លោក គឹម ជុងអ៊ុក ក៏បានថ្លែងអំណរគុណចំពោះប្រតិភូ សាកលវិទ្យាល័យ ស ចង់ ដែលមានចិត្តអាណិតស្រឡាញ់ ដល់កម្ពុជានិងបានជួយឲ្យសិស្សានុសិស្សកម្ពុជា។ លោកប្រធានអង្គការបានបញ្ជាក់ថា សាលារៀនល្អ គឺអាស្រ័យលើគណៈគ្រប់គ្រង របស់សាលា ពង្រឹងអភិបាលកិច្ចសាលា រៀន បន្តអនុវត្តស្តង់ដារ សាលាគំរូលើកកម្ពស់គុណភាព គ្រូបង្រៀនព្រោះថា គ្រូបង្រៀនគឺជាឆ្អឹងខ្នង ប្រព័ន្ធអប់រំចំពិះសិស្សានុសិស្ស វិញគឺខិតខំសិក្សារៀនសូត្រ ទាំងជំនាញបទពិសោធន៍និងលើកកម្ពស់គុណភាពការសិក្សានិងកីឡា បណ្ដុះសីលធម៌ ចរិយាធម៌ពង្រីកវិន័យ ជាពិសេសស្មារតីអ្នកស្នេហាជាតិ។ បញ្ចប់នៃកម្មវិធី គណៈប្រតិភូ កូរ៉េក៏បានផ្តល់ជូននូវកាដូអនុស្សាវរីយ៍ចំពោះគ្នាទៅវិញទៅមកផងដែរ៕
