(បន្ទាយមានជ័យ) លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ បានអញ្ជើញជាអធិបតីភាពក្នុងពិធីប្រគល់វិញ្ញាបនប័ត្របញ្ចប់ការសិក្សាភាសាអង់គ្លេសប្រចាំឆ្នាំសិក្សា២០២៤.២០២៥ របស់សិស្សានុសិស្សសាលាអន្តរជាតិ USA សាខាខេត្តបន្ទាយមានជ័យ។ ពិធីនេះធ្វើឡើងនៅសាលប្រជុំសាលាខេត្តបន្ទាយមានជ័យ នាចុងសប្តាហ៍នេះ ដោយមានការចូលរួមពីលោក អាង រ៉េន អគ្គនាយករង សាលាអន្តរជាតិ យូ អេស អេ (USA) លោកស្រី ហង្ស ស្រីទូច នាយិកាកម្មវិធី អូស្ត្រាលី អាមេរិកាំង លោកម៉ៅ សុខវិសាល នាយកសាខាទី១៣ សិរីសោភ័ណ លោកស្រី សេង ឆេងម៉ី នាយិកាសាខាទី១០ បន្ទាយមានជ័យ និង លោក យ៉ែម ប៊ុនឆាត នាយកចំណេះទូទៅភាសាខ្មែរ សាលាអន្តរជាតិ យូ អេស អេ ព្រមទាំងមានការចូលរួមនាយកសាលាផងដែរ។
លោក អាង រ៉េន បានមានមតិលើកឡើងថា៖សាលាអន្តរជាតិ យូ អេស អេ (USA) បានកសាងកេរ្តិ៍ឈ្មោះនិងបើកដំណើរការបង្រៀន និងរៀនតាំងពីឆ្នាំ២០០១ រហូតមកដល់បច្ចុប្បន្នមានរយៈពេល ២៥ឆ្នាំមកហើយ គឺជាសាលាដែលមានការអប់រំប្រកបដោយគុណធម៌ខ្ពស់សមសម្របតាមស្តង់ដាជាតិ និងអន្តរជាតិ។
លោក អគ្គនាយករង សាលាអន្តរជាតិ យូ អេស អេ (USA) សាខាខេត្តបន្ទាយមានជ័យ បានបញ្ជាក់ថា៖ សម្រាប់លទ្ធផលការសិក្សានៅក្នុងឆ្នាំសិក្សា២០២៤-២០២៥នេះសាលាអន្តរជាតិ យូ អេស អេ (USA) សាខាទី១០ ខេត្តបន្ទាយមានជ័យ មានសិស្សសរុបចំនួន៤៨០នាក់ ដែលបានបញ្ចប់ការសិក្សារនាពេលកន្លងមកនេះ។ ផ្នែកចំណេះទូទៅភាសាអង់គ្លេសនាថ្ងៃនេះ សាលាបានរៀបចំការចែក បណ្ណ័សរសើរ និង វិញ្ញាបនបត្របញ្ជាក់ការសិក្សារួមមាន៖១.ការចែកបណ្ណ័សរសើរដល់សិស្សឆ្នើមដំណាច់ឆ្នាំ លេខ១ ចំនួន ២៥នាក់ ក្នុងនោះស្រី ១៣នាក់។ ២.ការចែកបណ្ណ័សរសើរដល់សិស្សឆ្នើមដំណាច់ឆ្នាំ លេខ២ ចំនួន ២៥នាក់ ក្នុងនោះស្រី ១៣នាក់។ ៣.ការចែកបណ្ណ័សរសើរដល់សិស្សឆ្នើមដំណាច់ឆ្នាំ លេខ៣ ចំនួន ២៥នាក់ ក្នុងនោះស្រី ៩នាក់។ ៤.ការចែកបណ្ណ័សរសើរដល់សិស្សឆ្នើមវិទ្យាល័យ ចំនួន ២០នាក់។ ៥.ការចែកវិញ្ញាបនបត្របញ្ជាក់ការសិក្សាដល់សិស្សបញ្ចប់ថ្នាក់មត្តេយ្យកម្រិតខ្ពស់ចំនួន ៨៥នាក់ ក្នុងនោះស្រី ៥២នាក់។ ៦.ការចែកបណ្ណ័សរសើរដល់ លោកគ្រូ អ្នកគ្រូ ព្រមទាំងសិស្សានុសិស្ស ដែលជាក្រុមដឹកនាំ Leader in me អភិវឌ្ឍន៍សាលា ក្នុងឆ្នាំ២០២៥ ចំនួន៩នាក់។៧.ការចែកវិញ្ញាបនបត្រដល់លោកគ្រូ អ្នកគ្រូដែលបានបញ្ចប់ការសិក្សាវគ្គបណ្តុះបណ្តាលគ្រូក្នុងឆ្នាំ២០២៥ ចំនួន១០នាក់។
ថ្លែងក្នុងឱកាសនោះលោក ឈូ ប៊ុនរឿង បានធ្វើការកោតសរសើរនិងវាយតម្លៃ ដល់សាលាអន្តរជាតិ យូ អេស អេ (USA) ដែលបានសហការរួមចំណែកជួយបណ្តុះបណ្តាលធនធានមនុស្ស ហើយសាលា យូ អេស អេ (USA) ជាគ្រឹះស្ថានឯកជនមានចក្ខុវិស័យ និងបេសកកម្មបណ្ដុះបណ្ដាលធនធានមនុស្សប្រកបដោយចតុស្តម្ភអប់រំ។ជាពិសេសការអប់រំនេះគឺជាគោលដៅ១ក្នុងចំណោមយុទ្ធសាស្ត្របញ្ចកោណរបស់រាជរដ្ឋាភិបាលនិតីកាលទី៧នេះផងដែរ។
លោក ឈូ ប៊ុនរឿង បានបញ្ជាក់ថា៖ បច្ចុប្បន្ននេះវិស័យអបរំ ឯកជនមានការរីកចម្រើនខ្លាំង នឹងបានចូលរួមចំណែកជាមូយសាលារដ្ឋ ដោយបានផ្តល់ចំណេះដឹង ជូនដល់សិស្សានុសិស្ស អោយក្លាយជាទំពាំងស្នងឬស្សីទៅថ្ងៃអនាគត។ដូច្នេះឪពុកម្តាយគួរតែជម្រុញកូនអោយទៅរៀនសូត្រកុំទុកពេលទំនេរធ្វើរឿងផ្តេសផ្តាសដែលនាំអោយខូចអនាគត៕
