បន្ទាយមានជ័យ ៖ ដំណឹងល្អសម្រាប់សិស្សានុសិស្សនៅក្នុងខេត្តបន្ទាយមានជ័យ សាកលវិទ្យាល័យ ធំៗចំនួន៣ នៅក្នុងសាធារណរដ្ឋសង្គមវៀតណាម បានផ្ដល់អាហារូបករណ៍ សិក្សាដោយឥតគិតថ្លៃ ចំពោះសិស្សនិស្សិតដែលមានបំណងចង់សិក្សានៅប្រទេសវៀតណាម។ នៅក្នុងជំនួបជាមួយថ្នាក់ដឹកនាំខេត្តបន្ទាយមានជ័យ ដឹកនាំដោយលោកបណ្ឌិត អ៊ី លីម៉ា សាកលវិទ្យា ធិការ សាកលវិទ្យាល័យ ចេនឡា រួមនឹងថ្នាក់ដឹកនាំសាកលវិទ្យាល័យ ធំៗចំនួន៣ មកពីសាធារណៈដ្ឋសង្គមនិយមវៀតណាម រួមមាន ៖ សាកលវិទ្យាល័យ ទាំង៣ រួមមាន សាកលវិទ្យាល័យ University of Information Technology, សាកលវិទ្យាល័យ University of Economics and law, សាកលវិទ្យាល័យ University of Health Scieces ដើម្បីជម្រាបជូនដំណឹងពីឱកាសនៃការផ្តល់អាហាររូបករណ៍ ជូនដល់និស្សិត ចូលរួមលើកកម្ពស់ធនានមនុស្ស ក៏ដូចជាវិស័យអប់រំ នៅកម្ពុជា ។
ក្នុងជំនួបនោះដែរឯកឧត្តម អ៊ុំ រាត្រី អភិបាល នៃគណៈអភិបាលខេត្ត ក៏បានថ្លែងអំណរគុណដល់សាកលវិទ្យាល័យ ទាំង៣ ដែលបានផ្តល់ឱកាស ផ្តល់អាហាររូបករណ៍ជូនដល់និស្សិតខេត្តបន្ទាយមានជ័យ ទៅសិក្សានៅប្រទេសវៀតណាម ដែលជាចំណែកមួយយ៉ាងសំខាន់ ក្នុងការបណ្តុះបណ្តាលធនធានមនុស្ស នៅកម្ពុជា ក៏ដូចជានៅក្នុងខេត្តបន្ទាយមានជ័យ។ ឯកឧត្ដម អភិបាល ខេត្ត ក៏បានលើកឡើងពីទំនាក់ទំនងប្រទេសទាំងពីរ កម្ពុជា–វៀតណាម ដែលជានិច្ចតែងតែមានទំនាក់ទំនងគ្នាល្អ ផ្សារភ្ជាប់យ៉ាងជិតស្និទ្ធលើគ្រប់កាលៈទេសៈ និងជួយជ្រោមជ្រែងគ្នាទៅវិញទៅមក ដោយឈរលើស្មារតីសាមគ្គីស្អិតរមួត រួមគ្នាជាធ្លុងមួយតស៊ូប្រយុទ្ធប្រឈមនឹងបញ្ហាការលំបាកនានា និងបានឆ្លងកាត់ភ្លើងសង្រ្គាមជាមួយគ្នាតាំងពីដើមរៀងមក ក្នុងការប្រយុទ្ធសត្រូវរួម ដើម្បីឯករាជ្យភាព សេរីភាព នៃប្រជាជនរបស់ខ្លួន។
ជាមួយគ្នានោះតំណាងសាកលវិទ្យាល័យទាំង៣ សាកលវិទ្យាល័យ ផ្នែកព័ត៌មានវិទ្យា , សាកលវិទ្យាល័យ ច្បាប់ និងសេដ្ឋកិច្ច និងសាកលវិទ្យាល័យផ្នែកសុខាភិបាល ក៏បានបង្ហាញពីគោលបំណង ផ្តល់អាហាររូបករណ៍ គឺដើម្បីចូលរួមលើកកម្ពស់ធនធានមនុស្សនៅកម្ពុជា បើមានតម្រូវការ ណាមួយ សាកលវិទ្យាល័យ អាចនឹងមកបង្រៀនផ្ទាល់នៅខេត្តបន្ទាយមានជ័យ ទៅតាមការស្នើសុំ ឬអាចទៅរៀននៅប្រទេសវៀតណាមបាន ។ ដោយឡែកពាក់ព័ន្ធវិស័យសុខាភាព សាកលវិទ្យាល័យ ស្វាគមន៍ជានិច្ចចំពោះកិច្ចសហការជាមួយរដ្ឋបាលខេត្តបន្ទាយមានជ័យ ប្រសិនបើមានតម្រូវការណាមួយ មួយវិញទៀត ប្រសិនបើចង់ទៅសិក្សា ឬអនុវត្តផ្ទាល់នៅមន្ទីរក្រុងហូជីមិញ សាកលវិទ្យាល័យ នឹងផ្តល់កិច្ចសហការជានិច្ច។
ដើម្បីបង្កើនកិច្ចសហប្រតិបត្តិការកាន់តែស្អិតរមួត សាកលវិទ្យាល័យ ទាំង៣ ក៏នឹងរៀបចំដំណើរទស្សន៍ជូនថ្នាក់ដឹកនាំខេត្តបន្ទាយមានជ័យ ដើម្បីធ្វើការស្វែងយល់បន្ថែមពីដំណើរការរៀន និថបង្រៀនរបស់សាកលវិទ្យាល័យ ក្នុងការបណ្តុះបណ្តាល ធនធានមនុស្ស ក៏ដូចជាការគ្រងគ្រប់ដឹកនាំនិសិ្សតនៅក្នុងសាកលវិទ្យាល័យទាំង៣ខាលើ៕
