(ប៉ៃលិន) ក្នុងទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវ:លើកទី៩ ប្រារព្ធឡើងក្រោមប្រធានបទ ( T VET ផ្តល់ជំនាញការងារនិងប្រាក់ចំណូល)ដែលរៀបចំដោយមន្ទីរការងារដែលប្រារព្វឡើងនៅថ្ងៃទី១៥ ខែមិថុនា នៅក្នុងមជ្ឈមណ្ឌលបណ្តុះបណ្តាលវិជ្ជាជីវ:ខេត្តប៉ៃលិន។
លោកបណ្ឌិត ម៉ើង លីដា អភិបាលរងខេត្តប៉ៃលិន ក្នុងនាមលោកជំទាវបណ្ឌិត បាន ស្រីមុំ អភិបាលខេត្តប៉ៃលិនបានអំពាវនាវឲ្យយុវជនយុវនារីនាំគ្នាមករៀន បច្ចេកទេសមុខជំនាញផ្សេងៗដើម្បីរកប្រាក់ចំណុលចិញ្ចឹមគ្រួសារនិង ជួយអភិវឌ្ឍប្រទេសជាតិយើង។
លោកស្រី យឿនចាន់ឌី នាយិកាមជ្ឈមណ្ឌលបណ្តុះបណ្តាលវិជ្ជាជីវ:ខេត្តប៉ៃលិនបានអោយដឹងថា នៅមជ្ឈមណ្ឌលនេះវគ្គដែលកំពុងបណ្តុះបណ្តាលមានសិស្សនិងសិក្ខាកាមចំនួន៦២២នាក់ស្រី៣៥៨នាក់រួមមាន ជំនាញសេវាកម្មរដ្ឋបាល
–ជំនាញសេវាកម្មបរិក្ខារត្រជាក់
–ជំនាញការដំឡើងបណ្តាញអគ្គិសនីក្នុងអគារ
–ជំនាញការកែច្នៃបន្លែ និងផ្លែឈើ
–ជំនាញការថែទាំ និងជួសជុលរថយន្ត
–ជំនាញសេវាកម្មកុំព្យូទ័រ
–ជំនាញសេវ៉ាកម្មសម្អាងកាយ
និងជំនាញជួសជុលម៉ូតូជាដើម
និងមានចេញសញ្ញាបត្រកម្រិតបច្ចេកទេសនិងវិជ្ជាជីវ:កម្រិត១កម្រិត២និងកម្រិត៣និងមានសញ្ញាបត្រជាន់ខ្ពស់បច្ចេកទេសស្មើនិងបរិញ្ញបត្ររងថែមទៀតផង៕
