បន្ទាយមានជ័យ ៖ សាកលវិទ្យាល័យ ជាតិមានជ័យ បានរៀបចំពិធីបើកដំណើរការកម្មវិធី NMU-UNIPRENEUR រដូវកាលទី៤ ដែលជាកម្មវិធីប្រកួតប្រជែងគំរូអាជីវកម្ម ឆ្នាំ២០២៦ ដើម្បីផ្តល់ឱកាសដល់និស្សិតក្នុងការបញ្ចេញ សក្តានុពល ភាពច្នៃប្រឌិត និងគំនិតសហគ្រិនភាព។ ពិធីនេះប្រារព្ធធ្វើឡើងក្រោមអធិបតីភាព ឯកឧត្តម ហុង គឹមជាង អនុរដ្ឋលេខាធិការក្រសួងអប់រំ យុវជន និងកីឡា មានការចូលរួមពីឯកឧត្តម ជា សឿន សាកលវិទ្យាធិការ សាកលវិទ្យាល័យ ជាតិមានជ័យ ព្រមទាំងមានការចូលរួមពីសំណាក់សាកលវិទ្យាធិការរង ថ្នាក់ដឹកនាំគ្រប់លំដាប់ថ្នាក់ លោកគ្រូ អ្នកគ្រូ បុគ្គលិក និងដៃគូពាក់ព័ន្ធ រួមនឹងនិស្សិត សិស្សានុសិស្ស មកពីវិទ្យាល័យ អូរអំបិល, វិទ្យាល័យ សិរីសោភ័ណ,វិទ្យាល័យ ហ៊ុន សែនខ្លាកូន និងវិទ្យាល័យ សម្តេចឪ សរុប២១៨នាក់។ពិធីនេះធ្វើឡើងនៅសាលប្រជុំ សាកលវិទ្យាល័យ ជាតិមានជ័យ ស្ថិតនៅភូមិបាណន សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ នាព្រឹកថ្ងៃទី១២ ខែមិថុនា ឆ្នាំ ២០២៥។
លោកស្រី សែម ភក្ត្រា ប្រធានលទ្ធកម្មយុទ្ធសាស្រ្ត តំណាងសហគ្រិនខ្មែរ ឱ្យដឹងថា កម្មវិធី NMU-UNIPRENEUR គឺជាគំនិតផ្តួចផ្តើមដ៏មានសារៈសំខាន់មួយ ដែលជួយលើកកម្ពស់វប្ប ធម៌សហគ្រិនភាពនៅក្នុងគ្រឹះស្ថានឧត្តមសិក្សា។ កម្មវិធីនេះមិនត្រឹមតែជាការប្រកួតប្រជែងនោះទេ ប៉ុន្តែជាដំណើរការសិក្សា ដែលអនុញ្ញាតឱ្យនិស្សិតរៀនពីការបង្កើតគំនិតអាជីវកម្ម ការរៀបចំផែនការអាជីវកម្ម ការសិក្សាទីផ្សារ ការគ្រប់គ្រងហិរញ្ញវត្ថុ និងការធ្វើបទបង្ហាញប្រកបដោយវិជ្ជាជីវៈ។
ឯកឧត្តម សាកលវិទ្យាធិការ សាកលវិទ្យាល័យ ជាតិមានជ័យ មានប្រសាសន៍ថា គម្រោង NMU-UNIPRENEUR បានចាប់ផ្តើមអនុវត្តដោយជោគជ័យជាបន្តបន្ទាប់ រហូតមកដល់រដូវកាលទី៤នាពេលបច្ចុប្បន្ន។សម្រាប់រដូវកាលទី៤ ឆ្នាំ២០២៦ នេះគម្រោងទទួលបានថវិកាគាំទ្រពីសហគ្រិនខ្មែរចំនួន ១២,២៩៨ ដុល្លារ អាមេរិក ហើយសាកលវិទ្យាល័យបានបង្កើនការចូលរួមបដិភាគបន្ថែមដែរ។ ជាពិសេសកម្មវិធីឆ្នាំនេះមាននិស្សិតចូលរួមរហូតដល់ ១២០ រូប ដែលជាចំនួនខ្ពស់បំផុតចាប់តាំងពីសាកលវិទ្យាល័យបានចូលរួមក្នុងកម្មវិធីនេះ។
ឯកឧត្តម ជា សឿន បញ្ជាក់ថា តាមរយៈគម្រោងនេះ និស្សិតរាប់រយនាក់បានទទួលការបណ្តុះបណ្តាលអំពីសហគ្រិនភាព ការរៀបចំផែនការ អាជីវកម្ម ការអភិវឌ្ឍគំរូអាជីវកម្ម ការសិក្សាទីផ្សារ ការគ្រប់គ្រងហិរញ្ញវត្ថុ និងជំនាញធ្វើបទបង្ហាញអាជីវកម្ម។ ជាពិសេស មានក្រុមនិស្សិតជាច្រើនបានបង្កើតគម្រោងអាជីវកម្មប្រកបដោយភាពច្នៃប្រឌិត និងបានបន្តអភិវឌ្ឍគំនិត របស់ខ្លួនក្រោយការប្រកួត ដូចជាលក់ដូរនៅក្នុងផ្សារនិស្សិតនៃសាកលវិទ្យាល័យជាតិមានជ័យ។
ឯកឧត្តម បន្តថា ការគាំទ្រនេះបានរួមចំណែកយ៉ាងសំខាន់ក្នុងការលើកកម្ពស់គុណភាពអប់រំ សង្គម និងទីផ្សារការងារនាពេលអនាគត និងការអភិវឌ្ឍសមត្ថភាពនិស្សិតឱ្យស្របតាមតម្រូវការនៃការទទួលបានគម្រោង NMU-UNIPRENEUR រហូតដល់រដូវកាលទី៤ នេះ គឺជាសក្ខីភាពបង្ហាញពីការជឿ ទុកចិត្តរបស់សហគ្រិនខ្មែរ និងដៃគូពាក់ព័ន្ធចំពោះសមត្ថភាព និងការប្តេជ្ញាចិត្តរបស់សាកលវិទ្យាល័យជាតិមានជ័យ ក្នុងការអភិវឌ្ឍយុវជនឱ្យក្លាយជាសហគ្រិនជំនាន់ថ្មី។
ឯកឧត្តម ហុង គឹមជាង អនុរដ្ឋលេខាធិការក្រសួងអប់រំ យុវជន និងកីឡា មានប្រសាសន៍ថា ក្នុងសម័យឌីជីថលនេះ យុវជនកម្ពុជាមានឱកាសយ៉ាងច្រើនក្នុងការប្រើប្រាស់បច្ចេកវិទ្យា និងនវានុ វត្តន៍ ដើម្បីបង្កើតដំណោះស្រាយថ្មីៗ សម្រាប់បម្រើសង្គម និងអភិវឌ្ឍសេដ្ឋកិច្ចជាតិ។ ខ្ញុំជឿជាក់ថា ក្នុង ចំណោមនិស្សិតដែលមានវត្តមាននៅទីនេះ នឹងមានអ្នកក្លាយជាសហគ្រិនជោគជ័យ អ្នកបង្កើតអាជីវកម្មថ្មី និងអ្នកដឹកនាំដែលរួមចំណែកក្នុងការអភិវឌ្ឍប្រទេសជាតិទៅថ្ងៃអនាគត។
ឯកឧត្តម ក៏បានថ្លែងអំណរគុណចំពោះសាកលវិទ្យាល័យជាតិមានជ័យ និងសហគ្រិនខ្មែរ ដែលបានគាំទ្រ និងជំរុញកម្មវិធីនេះឱ្យកាន់តែរីកចម្រើនពីមួយរដូវកាលទៅមួយរដូវកាល។ ឯកឧត្តម សង្ឃឹមថា កម្ម វិធី NMU-UNIPRENEUR រដូវកាលទី៤ នឹងទទួលបានជោគជ័យ និងអាចបង្កើតគំរូអាជីវកម្មប្រកបដោយ គុណភាព សម្រាប់ការអភិវឌ្ឍសហគមន៍ និងសង្គមកម្ពុជា។ងអំណរគុណចំពោះសាកលវិទ្យាល័យជាតិមានជ័យ និងសហគ្រិនខ្មែរ ដែលបានគាំទ្រ និងជំរុញកម្មវិធីនេះឱ្យកាន់តែរីកចម្រើនពីមួយរដូវកាលទៅមួយរដូវកាល។ ខ្ញុំសង្ឃឹមថា កម្ម វិធី NMU-UNIPRENEUR រដូវកាលទី៤ នឹងទទួលបានជោគជ័យ និងអាចបង្កើតគំរូអាជីវកម្មប្រកបដោយ គុណភាព សម្រាប់ការអភិវឌ្ឍសហគមន៍ និងសង្គមកម្ពុជា៕
