(បន្ទាយមានជ័យ) ប្អូនៗថ្នាក់ទី១២ នៃវិទ្យាល័យកូប ក្នុងស្រុកអូរជ្រៅ ត្រូវបានលោក យឹម សំណាង អភិបាលរងខេត្តបន្ទាយមានជ័យ បានអញ្ជើញផ្តល់បទពិសោធន៏ អប់រំ និងផ្តល់ពិធីសាស្រ្តខ្លះ ក្នុងការអានសៀវភៅ សរសរអត្ថបទ និពន្ឋរឿង ចំរៀង និងការរស់នៅអោយមានគុណធម៍ មេត្តាធម៏ សុជីវធម៍ ជាមួយមនុស្សនៅជុំវិញខ្លួន ពិសេសត្រូវចេះដាក់គោលដៅនៃកាសិក្សារៀនសូត្រ ការផ្តល់បទពិសោធន៏ អប់រំនេះធ្វើនៅវិទ្យាល័យកូប ដោយមានការចូលរួមពីលោក ម៉ាន់ ពិសិទ្ធ នាយកវិទ្យាល័យកូប នៅព្រឹកថ្ងៃទី៥ ខែមិថុនា ឆ្នាំ២០២៦ ស្ថិតនៅក្នុងភូមិណាកាឆាយ ឃុំកូប ស្រុកអូរជ្រៅ។
ថ្លែងនៅក្នុងឱកាសនោះជាមួយប្អូនៗសិស្សានុសិស្សលោក យឹម សំណាង បានមានប្រសាសន៍លើកឡើងថា៖ កាផ្តល់បទពិសោធន៏ អប់រំនាពេលនេះគឺដើម្បីអប់រំចិត្ត ក៏ដូចជាការលើកទឹកចិត្ត នឹងផ្ដល់ស្ដីសង្ឃឹមជូនដល់ប្អូនៗសិស្សានុសិស្ស ជាពិសេសតម្រង់ទិសនៅបំណិនជីវិតទៅថ្ងៃអនាគត។ ជាក់ស្តែងការជួយតម្រង់ទិសដល់ប្អូនៗក្នុងការជ្រើសរើសជំនាញឲ្យបានត្រឹមត្រូវក្នុងការស្វែងយល់អំពីកត្តាជោគជ័យក្នុងការងារ មុខរបរ ការសិក្សា និងការយល់ដឹងអំពីការរៀបចំលក្ខណសម្បត្តិរបស់ខ្លួន សម្រាប់ជាជំនួយស្មារតីដល់ប្អូនៗក្នុងការរៀបចំអនាគតរបស់ខ្លួនឲ្យបានល្អប្រសើរ។
លោកបានបញ្ជាក់ថា៖ ការសិក្សានិងអប់រំនេះត្រូវចង់ភ្ជាប់គ្នាតែមួយ ដែលជាកត្តាសំខាន់ក្នុងពុទ្ធចក្រ និងអាណាចក្រ ក្នុងការអប់រំទូន្មានចិត្ត ការបើកចិត្តទទួលយកចំណេះ គិតវិភាគត្រិះរិះឲ្យទាល់តែយល់ ការរៀនត្រូវតែនាំទៅដល់ការអនុវត្តប្រើប្រាស់ទៅរកភាពចម្រើនជឿនលឿន ក្នុងផ្លូវល្អផ្លាស់ប្ដូរឬទស្សនៈនិងការលើកតម្លៃ។
លោក យឹម សំណាង បានធ្វើការផ្ដាំផ្ញើរដល់សិស្សានុសិស្សទាំងអស់ត្រូវប្រកាន់ភ្ជាប់នៅបាននៅ សុជីវធម៌ គុណធម៌ និងសីលធម៌ ទើបទើបយើងមានសេចក្តីសុខ និងមានសុភមង្គលក្នុងក្រុមគ្រួសារ។ជាក់ស្ដែងការសិក្សាគឺមានតម្លៃ មិនសំខាន់ទៅលើខ្សែ សំខាន់គឺមានសមត្ថភាព៕
