ខេត្តបន្ទាយមានជ័យ៖ប្រជាពលរដ្ឋ ដែលមានជីវភាពខ្វះខាត ក្នុងក្រុងសិរីសោភ័ណចំនួន ១០០គ្រួសារ ទទួលបានអំណោយមនុស្សធម៌ ពីព្រះវិហារគ្រិស្តបរិស័ទ ដឹកនាំដោយលោកគ្រូ អ៊ីន ត្រូ និងភរិយាមកពីប្រទេសសិង្ហបុរី តាមរយៈគណៈកម្មការគ្រិស្តបរិស័ទខេត្តបន្ទាយមានជ័យ ក្រោមអធិបតីភាពឯកឧត្ដម សៀ សុភ័ក្ដ រដ្ឋលេខាធិការក្រសួងធម្មការនិងសាសនា លោក ហ៊ឹល រ៉ាយ៉ា អភិបាលរង ខេត្ត តំណាងឯកឧត្តម អ៊ុំ រាត្រី អភិបាលខេត្ត។
លោកគ្រូ ហម ស៊ុយ ប្រធានគណៈកម្មការគ្រិស្តបរិស័ទខេត្ត បានឲ្យដឹងថា អំណោយទាំងអស់ដែលបានមកពីក្រុមជំនុំគ្រិស្តបរិស័ទនៅប្រទេសសិង្ហបុរីការដឹកនាំដោយលោកគ្រូ អ៊ិន ត្រូ និងភរិយា ក្នុងឱកាសនេះ គឺជាការផ្ដល់នូវសេចក្ដីស្រឡាញ់យ៉ាងធំធេងដល់ប្រជាពលរដ្ឋ របស់យើងក្នុងការជួបនូវភាពលំបាកផ្នែកជីវភាព។
លោកបានបន្តថា បើតាមព្រះបន្ទូលរបស់ព្រះយេស៊ូព្រះអង្គបានមានបន្ទូលថា ឲ្យយើងចេះស្រឡាញ់គ្នាទៅវិញទៅមក ឯសេចក្ដីស្រលាញ់តែងតែអត់ធ្មត់ ហើយក៏សប្បុរសនៃសេចក្ដីស្រឡាញ់មិនឈ្នានីស មិនចេះអួតខ្លួន មិនរហ័សខាង មិនប្រកាន់ខ្មៅទៅស មិនដែលអរសប្បាយ ចំពោះសេចក្ដីសុចរិតឡើយជឿរទាំងអស់គ្នា សង្ឃឹមទាំងអស់គ្នាគាំទ្រទាំងអស់គ្នា។
លោក ហ៊ឹល រ៉ាយ៉ា និងឯកឧត្តម សៀ សុភ័ក្រ បានមានប្រសាសន៍កោតសរសើរនិងថ្លែងអំណរគុណយ៉ាងជ្រាលជ្រៅក្រៃលែងចំពោះទឹកចិត្តអាណិតស្រលាញ់ពីអស់លោកលោកស្រីគ្រិស្តបរិស័ទ ក្នុងនិងក្រៅប្រទេសដែលជានិច្ចកាលតែងតែជួយចែករំលែក នូវទុក្ខលំបាកដល់បងប្អូនដែលមានជីវភាពខ្វះខាត។ ឯកឧត្តមបន្តថា រាល់អំណោយដែលបាន ទទួលថ្ងៃនេះ គឺអាចជួយសម្រាលជីវភាពបានមួយគ្រាប៉ុណ្ណោះ យើងកុំផ្ដេកផ្ដួលចំពោះអំណោយទាំងអស់ដែលទទួលបានក្នុងឱកាសនេះគឺយើងត្រូវធ្វើការខិតខំប្រឹងប្រែងតស៊ូរកទទួលទាន មុខរបរផ្សេងៗសំខាន់បញ្ហាអនាម័យបរិស្ថានដើម្បីសុខភាព។
គួរបញ្ជាក់ថា អំណោយដែលបានផ្តល់ជូនប្រជាពលរដ្ឋចំនួន១០០គ្រួសារ ដោយក្នុ១គ្រួសារទទួលបានអង្ករ ២០kg អង្កសុខភាព១កេស ទឹកត្រី១យួរ ទឹកស៊ីអ៊ី១យួរ សូឡ១គ្រឿងនិងគ្រឿងឧបភោគបរិភោគកញ្ចប់៕
