ខេត្តបន្ទាយមានជ័យ៖នារសៀលថ្ងៃទី៧ ខែឧសភា ឆ្នាំ២០២៦ ឯកឧត្ដម ឈើយ ចាន់ណា អនុប្រធានកិត្តិយសសាខាកាកបាទក្រហមកម្ពុជាខេត្តបន្ទាយមានជ័យ អមដំណើរដោយលោក បឹង គឹមសឹង អនុប្រធានគណៈកម្មាធិការសាខាកាកបាទក្រហមខេត្ត បានអញ្ជើញចុះសួរសុខទុក្ខនិងនាំយកនូវអំណោយមនុស្សធម៌ ផ្តល់ជូនដល់បងប្អូន រងគ្រោះដោយសារ ខ្យល់ កន្ត្រាក់ចំនួន ២៥គ្រួសារនៅក្នុងស្រុកស្វាយចេក ។ដែរក្នុងនោះមានផ្ទះបងប្អូនមួយចំនួនខ្វះខាតស្រាលនិងធ្ងន់ ក៏ប៉ុន្តែដោយមានការយកចិត្តទុកដាក់របស់អាជ្ញាធរមូលដ្ឋាន រួមទាំងក្រុមការងារចុះជួយមូលដ្ឋានបានធ្វើការសាងសង់និងជួសជុលផ្ទះបងប្អូនបានទាន់ពេលវេលា។
លោក បឹង គឹមសឹង និងឯកឧត្តម ឈើយ ចាន់ណា ក៏បានចូលរួមសោកស្ដាយនូវការបាត់បង់ផ្ទះសម្បែងរបស់បងប្អូនប្រជាពលរដ្ឋដែលរងគ្រោះដោយសារខ្យល់កន្ត្រាក់។ ឯកឧត្តមបន្តថា អំណោយទាំងនេះពោលគឺបានមកពីការកៀងគររកមូលនិធិថវិកាសម្ភារៈពីព្រះថេរានុត្ថេរៈគ្រប់ព្រះអង្គឯកឧត្តម លោកជំទាវ លោកឧកញ៉ា ត្រូវលោកស្រីមន្ទីរអង្គភាពកងកម្លាំងប្រដាប់អាវុធសមាគមគ្រឹះស្ថានសិក្សា មីក្រូហិរញ្ញវត្ថុ ក្រុមហ៊ុនសហគ្រាសនិងសប្បុរសជននានា។ ចុងក្រោយ ឯកឧត្តម បានធ្វើការផ្ដាំផ្ញើដល់បងប្អូនប្រជាពលរដ្ឋទាំងអស់សូមមានការប្រុងប្រយ័ត្នឲ្យបានខ្ពស់ ពេលមេឃ រកកល្ប ចង់ភ្លៀង អំណោយចែកជូន ក្នុង ឱកាសនេះ១គ្រួសារ ទទួលបាននូវអង្ករ ២៥គីឡូក្រាម មីជាតិ ២៥កញ្ចប់ ទឹកស៊ីអ៊ីវមួយយួរ ទឹកត្រីមួយយួរ និងថវិកាមួយចំនួន៕
