ខេត្តបន្ទាយមានជ័យ៖អំណោយមនុស្សធម៌ ជាឃីត របស់អង្គការ UNFPA តាមរយៈកាកបាទក្រហមកម្ពុជា ត្រូវបានសាខាកាកបាទក្រហមខេត្តបន្ទាយមានជ័យដឹកនាំដោយ លោកជំទាវ ជ័យ ណារី អ៊ុំ រាត្រី អនុប្រធានកិត្តិយសគណៈកម្មាធិការសាខាកាកបាទក្រហម បាននាំយកឃីតផ្តល់ជូនដល់ស្ត្រីមានផ្ទៃពោះ កុមារតូចៗ នៅមណ្ឌលសុខភាព ស្ថិតក្នុងភូមិសាស្ត្រខេត្តបន្ទាយមានជ័យនារសៀលថ្ងៃទី១៩ ខែមករា ឆ្នាំ២០២៦ ដោយក្នុងម្នាក់ៗ ទទួលបានសាប៊ូដុសខ្លួន សាប៊ូបោកខោអាវ សារុងនិងក្រមា។
លោកជំទាវ ជ័យ ណារី បានមានប្រសាសន៍ថា ក្នុងស្ថានភាពដែលបងប្អូនប្រជាភៀសសឹក កំពុងស្នាក់នៅ បណ្ដោះអាសន្ន មានការលំបាកក៏ពិតមែនប៉ុន្តែរាជរដ្ឋាភិបាលអាជ្ញាធរគ្រប់ជាន់ថ្នាក់និងគ្រប់សប្បុរសជនជិតឆ្ងាយ តែងតែគិតគូរពីសុខទុក្ខចំពោះបងប្អូនជានិច្ចជាពិសេសក្នុងការពង្រឹង ការផ្តល់សេវាសុខភាពទាំងមាតាទារកនិងកុមារ ។ជាមួយគ្នានេះកត្តាគន្លឹះសំខាន់មួយទៀតគឺ រួមពីបងប្អូនទាំងអស់គ្នាក្នុងការទទួលយកសេវាសុខភិបាលណាដែលមានវិជ្ជាជីវៈត្រឹមត្រូវ ច្បាស់លាស់ធានាគុណភាព និងសុវត្ថិភាពដូចនេះ សូមស្ត្រីមានផ្ទៃពោះទាំងអស់ទៅពិនិត្យសុខភាព និងពិគ្រោះយោបល់ជាមួយគ្រូពេទ្យជំនាញនៅមណ្ឌលសុខភាព ឬមន្ទីរពេទ្យឲ្យបានទៀងទាត់តាមពេលវេលាកំណត់ហើយ ត្រូវទៅសម្រាលកូននៅមណ្ឌលសុខភាព ឬមន្ទីរពេទ្យគ្រូពេទ្យជំនាញ។ ជាងនេះទៅទៀតត្រូវបំបៅកូនដោយទឹកដោះម្តាយតែមួយមុខគត់ ចាប់តាំងពីពេលកើតរហូតដល់ទារកមានអាយុប្រាំមួយខែ និងផ្តល់អាហារបន្ថែមគ្រប់មុខ គ្រប់ជីវជាតិដូចជាបបរខាប់គ្រប់គ្រឿងនិងរួមជាមួយនឹងការបន្តបំបៅទឹកដោះ រហូតដល់កុមារមានអាយុយ៉ាងតិចពីរឆ្នាំ នោះទើបល្អប្រសើរសម្រាប់កុមារដែលមានសុខភាពល្អ៕
