ខេត្តបន្ទាយមានជ័យ៖ផ្ទះសំបែង របស់បងប្អូនប្រជាពលរដ្ឋចំនួន២០គ្រួសារ ត្រូវបានរងគ្រោះដោយខ្យល់កន្ត្រាក់បាក់រលំខ្ទេចខ្ទីគ្មានសល់ដោយក្នុងនោះ ១៤គ្រួសារស្ថិតនៅក្នុងឃុំភ្នំលាប ស្រុកព្រះនេត្រព្រះ ព្រមទាំងមានអ្នករងរបួសស្រាលចំនួន ៥នាក់នឹង៦ គ្រួសារទៀត ស្ថិតនៅក្នុងឃុំគោករមៀត ស្រុកថ្មពួក។
ដោយពិនិត្យឃើញជាក់ស្ដែងផងនោះអជ្ញាធរមូលដ្ឋានបានធ្វើការចុះជួយនិងបានផ្ដល់ជាស័ង្កសីជូនបងប្អូនរងគ្រោះដោយខ្យល់កន្ត្រាក់ ២០គ្រួសារនេះបានទាន់ពេលវេលា ដោយឡែក សម្រាប់សាខាកាកបាទក្រហមខេត្តបន្ទាយមានជ័យនារសៀលថ្ងៃទី១ ខែមីនា ឆ្នាំ២០២៦ នាំយកទៅសម្ភារៈអំណោយមនុស្សធម៌មកផ្ដល់ជូនបងប្អូនរងគ្រោះខ្យល់កន្ត្រាក់ទាំង២០ គ្រួសារ ដោយ១គ្រួសារៗ ទទួលបានអង្ករ ២៥គីឡូ មីជាត១កេះ ត្រីខ ១យួរ ទឹកត្រី១យួរ ទឹកស៊ីអ៊ី១យួរ ម៉ុង១ ក្រមា១ សារុង១ ភួយ១ តង់១ និងថវិកាមួយចំនួន។
លោកស្រី មឿត លាភា នាយិការងក្រុម ប្រតិបត្តិសាខាកាកបាទក្រហមខេត្តតំណាង ឯកឧត្តម អ៊ុំ រាត្រី ប្រធានគណៈកម្មាធិការសាលាសាខាកាកបាទក្រហមខេត្ត បានចូលរួមនៃការសោកស្ដាយផ្ទះសម្បែងរបស់បងប្អូនត្រូវរងគ្រោះខ្យល់កន្ត្រាក់ បណ្ដាឲ្យមានការខូចខាតទាំងស្រុងនេះគឺជាគ្រោះធម្មជាតិដែលយើងមើលពុំឃើញ។
លោកស្រី មឿត លាបភា បន្តថា កាកបាទក្រហមកម្ពុជា គឺជាស្ថាប័នមនុស្សធម៌ធំជាងគេនៅក្នុងព្រះរាជាណាចក្រកម្ពុជា ហើយទីណាមានទុក្ខលំបាក ទីនោះមានកាកបាទក្រហមហើយចំពោះការផ្ដល់នូវ អំណោយ មនុស្សធម៌ទាំងអស់នេះគឺមិនប្រកាន់បក្សពួក ពូជសាសន៍ឬនិន្នាការនយោបាយអ្វីឡើយ ។
ជាចុងក្រោយលោកស្រីបានធ្វើការផ្ដាំផ្ញើដល់បងប្អូនទាំងអស់ចូលធ្វើការប្រុងប្រយ័ត្នអោយបានខ្ពស់បំផុត ចំពោះគ្រោះធម្មជាតិ ពេលមេឃរក កលភ្លៀងត្រូវរកកន្លែងសុវត្តិភាពអោយបានត្រឹមត្រូវ ព្រោះថាបើតាមសេចក្តីជូនដំណឹងរបស់ប្រសួង ធនធានទឹកនឹង ឧតុនិយម បានបញ្ជាក់ថាឆ្នាំ២០២៦នេះ នឹងមានភ្លៀង ផ្គររន្ទះនឹងខ្យល់កន្ត្រាក់ជាហូរហែរ ៕
