(បន្ទាយមានជ័យ) លោក សំបាន់ ដាណែល ប្រធានសហភាពសហព័ន្ធយុវជនកម្ពុជា ក្រុងសិរីសោភ័ណ បានដឹកនាំលេខាធិការដ្ឋាន និងអនុប្រធាន សមាជិក សមាជិកា ស.ស.យ.ក.សង្កាត់/ក្រុងសិរីសោភ័ណ សហការជាមួយអាជ្ញាធរមូលដ្ឋានខេត្ត ក្រុង សង្កាត់ទាំង៧ និងកងកម្លាំងទាំងបី បានរៀបចំពិធីផ្សព្វផ្សាយ ស្ដីពីការទប់ស្កាត់ការប្រើប្រាស់គ្រឿងញៀន និងច្បាប់ចរាចរណ៍ផ្លូវគោកជូនដល់សហភាពសហព័ន្ធយុវជនកម្ពុជាក្រុងសិរីសោភ័ណ(ស.ស.យ.ក.) ។ នៅថ្ងៃទី១២ ខែកក្កដា ឆ្នាំ២០២៦ នៅបរិវេណវត្តចមសុទ្ធាវាស(ហៅវត្តស្វាយចាស) ស្ថិតក្នុងសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ពិធីនេះប្រព្រឹត្តទៅក្រោមអធិបតីភាពលោក យឹម សំណាង អភិបាលរង នៃគណៈអភិបាលខេត្តបន្ទាយមានជ័យ ដោយមានការអញ្ជើញចូលរួមពីលោក ជាម សុខ ប្រធានក្រុមប្រឹក្សាក្រុង លោក អ៊ឹម សុភារៈ អភិបាលរង ក្រុងសិរីសោភ័ណផងដែរ។
ក្នុងឱកាសនោះលោក សំបាន់ ដាណែល បានមានមតិស្វាគមន៍លើកឡើងថា៖លោកពិតជាមានចិត្តរំភើបរីករាយក្រៃលែងដែលបានចូលរួមសហការរៀបចំកម្មវិធីអប់រំដ៏មានសារសំខាន់មួយនេះក្រោមប្រធានបទ “ការរអប់រំដល់ យុវជន ស.ស.យ.ក.ដើម្បីជួយក្នុងការជួយទប់ស្កាត់ការប្រើប្រាស់ និងចែកចាយគ្រឿងញៀននៅតាមភូមិ ឃុំ សង្កាត់ ស្រុក ក្រុង និងទូទាំងខេត្តបន្ទាយមានជ័យ។
លោក បានបញ្ជាក់ថា៖ ក្នុងពិធីផ្សព្វផ្សាយនេះមានគោលបំណងសំខាន់ៗរួមមាន៖
១,លើកកម្ពស់ចំណេះដឹង និងការយល់ដឹងត្រឹមត្រូវរអំពីគ្រោះថ្នាក់នៃគ្រឿងញៀន រួមទាំងផលប៉ះពាល់ដល់សុខភាព គ្រួសារ សង្គម និងសេដ្ឋកិច្ច។
២,បង្កើនជំនាញក្នុងការបដិសេធគ្រឿងញៀន និងការពារខ្លួនពីឥទ្ធិពលនៃការចែកចាយ។
៣,បង្កើនការចូលរួមពីយុវជនក្នុងការទប់ស្កាត់ និងរាយការណ៍ពីសកម្មភាពចែកចាយគ្រឿងញៀន។
៤,លើកទឹកចិត្តឱ្យយុវជនចូលរួមយ៉ាងសកម្មក្នុងសកម្មភាពអប់រំ ផ្សព្វផ្សាយ និងគាំទ្រគ្នាទៅវិញទៅមក ដើម្បីបង្កើតសង្គមមួយគ្មានគ្រឿងញៀន រស់នៅដោយគ្មានគ្រឿងញៀន និងក្លាយជាកម្លាំងសំខាន់ក្នុងការអភិវឌ្ឍជាតិ។
៥,សហការជាមួយស្ថាប័នពាក់ព័ន្ធ រូបទាំងសាលារៀន អង្គការយុវជន និងអាជ្ញាធរមូលដ្ឋានរដើម្បីពង្រីកវិសាលភាពនៃកម្មវិធី។
៦,បញ្ជ្រាបចំណេះដឹងអំពីឱ្យបងៗប្អូនៗបានយល់ដឹងអំពីច្បាប់ចរាចរណ៍ផ្លូវគោក។
ថ្លែងនៅក្នុងឱកាសនោះលោក យឹម សំណាង អភិបាលរង ខេត្ត និងលោក ជាម សុខ ប្រធានក្រុមប្រឹក្សាក្រុង បានមានប្រសាសន៍លើកឡើងថា៖ ការរៀបចំកម្មពិធីនេះពិតជាមានសារៈសំខាន់ណាស់សម្រាប់សមាជិក សមាជិកាស.ស.យ.ក. សង្កាត់/ក្រុងដែលចូលរួមនាពេលនេះ គឺដើម្បីយល់ដឹងអំពីគ្រឿងញៀនគឺជាសត្រូវដ៏សាហាវបំផុកមួយនៃមនុស្សជាតិ ដែលកំពុង បំផ្លាញជីវិតយុវជន បំផ្លាញគ្រួសារ និងបង្ករគ្រោះថ្នាក់ដល់សង្គមជាតិទាំងមូល។ ការប្រើប្រាស់គ្រឿងញៀន មិនត្រឹមតែប៉ះពាល់ដល់សុខភាពរាង្គកាយ និងបញ្ញាស្មារតីប៉ុណ្ណោះទេ ប៉ុន្តែថែមទាំងនាំមកនូវអំពើឧក្រិដ្ឋកម្ម ភាពក្រីក្រ និងការបាត់បង់អនាគត ដ៏ស្រស់ស្អាតរបស់យុវជនយើង។
លោក យឹម សំំណាង បានធ្វើការផ្ដាំផ្ញើដល់សមាជិក សមាជិកាស.ស.យ.ក. សង្កាត់/ក្រុងទាំងអស់ដែលជាយុវជនស្នូល និងជាទំពាំងស្នងឬស្សីទៅថ្ងៃអនាគត ត្រូវចូលរួមបង្កើនក្នុងការទប់ស្កាត់ និងរាយការណ៍ពីសកម្មភាពចែកចាយគ្រឿងញៀន និងបន្ទាប់ផ្សព្វផ្សាយឲ្យបានផលៗនៅតាមមូលដ្ឋាន ដើម្បីបង្កើតសង្គមមួយគ្មានគ្រឿងញៀន រស់នៅដោយគ្មានគ្រឿងញៀន និងក្លាយជាកម្លាំងសំខាន់ក្នុងការអភិវឌ្ឍជាតិ។
បន្ទាប់ពីបញ្ចប់ពិធីផ្សព្វផ្សាយរួចមក ក្រុមការងារសហភាពសហព័ន្ធយុវជនកម្ពុជាក្រុងសិរីសោភ័ណ បានប្រគេនទឹកសុទ្ធនិងបច្ច័យមួយចំនួនជូនដល់ចៅអធិការវត្តចមសុទ្ធាវាស(ហៅវត្តស្វាយចាស)៕
