ប៉ៃលិន៖នាថ្ងៃទី១៣ ខែមករា ឆ្នាំ២០២៦ លោកជំទាវបាន ស្រីមុំ អភិបាលខេត្តប៉ៃលិនបានច្រានចោលនូវព័ត៌មានក្លែងក្លាយ បែបញ៉ុះញ៉ុង បំពុលសង្គម ដែលធ្វើអោយប៉ះពាល់ដល់ថ្នាក់ដឹកនាំក្នុងខេត្ត។
លោកជំទាវអភិបាលខេត្តបានប្រកាសថាព័ត៌មានខាងលើនេះជាពត៌មានក្លែងក្លាយ សូមសាធារណៈជន ជាពិសេសអ្នកក្នុងខេត្តផ្ទាល់ មុនជឿលើព័ត៍មានអ្វីមួយសូមមេត្តាតាមដានពិនិត្យមើលផេកអ្នកបង្ហោះអោយបានច្បាស់លាស់ តើអ្នកនោះជាខ្មែរនៅក្នុងស្រុក ឬ ផេកនោះជាផេកបិទមុខក្លែងខ្លួន មានគោលបំណងបំពុលសង្គមមានការភាន់ច្រឡំ នាងខ្ញុំសូមជំរាបថា បើសិនម្ចាស់ផេក ឬ បងប្អូនទាំងក្នុងស្រុក អ្នកក្រៅស្រុក មានភស្តុតាង ឃើញមានបទល្មើសទាំងនេះសូមមេត្តាជូនព័ត៍មានដល់យើងខ្ញុំផង សូមមេត្តាកុំបង្កើតព័ត៍មានមិនពិតដោយចេតនាមិនល្អ មាសសុទ្ធមិនដែរខ្លាចភ្លើងទេ ហើយយើងជាមន្រ្តីជំនាញទទួលខុសត្រូវនៅទីនេះ គោរពតាមច្បាប់ បទបញ្ចា និង គាំទ្រជឿជាក់លើការដឹកនាំ និងការសំរេចរបស់ប្រមុខរាជរដ្ឋាភិបាលយើងដោយភាពទទួលខុសត្រូវ និង រួមសុខរួមទុក្ខជាមួយប្រជាពលរដ្ឋគ្រប់កាលៈទេសៈ ៕
