ខេត្តកំពង់ធំ៖ឯកឧត្តម ប្រាក់ ដាវីដ រដ្ឋលេខាធិការ ក្រសួងកសិកម្មរុក្ខាប្រមាញ់និងនេសាទនាព្រឹកថ្ងៃទី១៧ ខែមីនា ឆ្នាំ២០២៦ បានអញ្ជើញជាអធិបតីក្នុងកម្មវិធីសិក្ខាសាលាស្តីពីការផ្ទេរបច្ចេកទេសកៅស៊ូដល់មន្ត្រីកសិកម្មឃុំនៃខេត្តកំពង់ធំ ដោយមានការចូលរួមពីមន្ត្រីកសិកម្មឃុំសរុបចំនួន ៥៨នាក់ (ស្ត្រី ២២នាក់)។
វគ្គបណ្តុះបណ្តាលនេះ រៀបចំឡើងក្នុងគោលបំណងលើកកម្ពស់ការយល់ដឹងអំពីបច្ចេកទេសដាំដុះ ថែទាំ ការព្យាបាលជំងឺ និងការប្រមូលផលជ័រឱ្យមានប្រសិទ្ធភាព និងមាននិរន្តរភាព ដើម្បីចែករំលែកព័ត៌មានដែលទទួលបាន សម្រាប់ធ្វើការផ្សព្វផ្សាយដល់កសិករកៅស៊ូគ្រួសារនៅតាមតំបន់គោលដៅ។
ឯកឧត្តមរដ្ឋលេខាធិការបានថ្លែងថា ដំណាំកៅស៊ូមានសារៈសំខាន់ ហើយតួនាទីសំខាន់របស់មន្ត្រីកសិកម្មឃុំក៏មានសារៈសំខាន់ ដែលត្រូវនៅជាប់នឹងកសិករផ្ទាល់ ដើម្បីផ្ដល់ការប្រឹក្សាបច្ចេកទេសដំណាំកៅស៊ូដល់កសិករ៕
